LAOAG CITY – Nangiwayat ti Iran ti drones strike kadagiti oil sector complex ken government sites idiay Kuwait.
Basar iti Kuwait Petroleum Corporation, nauram ti Shuwaikh oil sector complex a nakaipasdekan ti oil ministry ken headquarters kalpasan ti drone attack.
Segun iti Kuwaiti state media, dinakamat ti finance ministry, maysa nga Iranian drone ti timmama iti maysa nga office complex para kadagiti government ministries a nangitunda ti nakaro a pannakadadael kadagiti pasdek.
Mainaig iti daytoy, inpakaammo ti Kuwait’s electricity and water ministry a dua a power generation unit ti nagpukaw iti serbisio kalpasan a na-target ti Iranian drone ti dua a power ken water desalination plant a nangitunda ti nakaro a pannakadadaelna.
Kabayatanna, awan ti naipadamag a nasugatan wenno natay kalpasan kadagiti nasao nga insidente.
