LAOAG CITY – Nakipinnirma ti Ilocos Norte Electric Cooperative wenno INEC iti Emergency Power Supply Agreement para iti 10 megawatts.
Segun ken ni Mr. Cipriano Perry Martinez, General Manager ti Ilocos Norte Electric Cooperative, ti pinirmaanda a long-term contract manipud iti San Miguel ken Aboitiz ket umabot iti 52 megawatts.
Inbatadna nga umabot iti 62 megawatts ti konsumo ti probinsia iti kuriente ngem gapu iti mapaspasaran a panawen ti kalgaw ket umab-abot pay daytoy ti 70 agingga iti 80 megawatts.
Gapu iti daytoy, kiniddaw ni Martinez kadagiti member-consumer-owners a masapul ti panagin-inot dagitoy.
Kabayatanna, inpasingked ti General Manager a saan a mapukawan ti suplay ti kuriente ti Ilocos Norte Electric Cooperative gapu ta aggapu daytoy kadagiti coal-fired power plants iti San Miguel ken Aboitiz.
