LAOAG CITY – Nakairekord ti sumurok 61,000 nga indibidual ti natiliw dagiti otoridad kalpasan nga inpatungpal ti naiget nga implementasion ti Safer Cities Initiative a nairubuat iti panangidaulo ti Department of the Interior and Local Government (DILG) ken Philippine National Police (PNP) a nangrugi idi Abril 6 agingga Abril 11.
Basar iti datos, sumurok iti 18,900 ti nairekord iti babaen kadagiti common offenses kas ti panaginum kadagiti kalsada ken panagsigarilio kadagiti pampubliko a lugar.
Karaman met iti datos ti agarup 526 a kaso ti panagruar nga awan ti suotna a bado iti pangngato, 586 ti nairekord a naglabsing iti enhanced curfew hours idinto a 70 ti nairekord iti karaoke-related violations.
Adda ti sumurok 30,000 a nairekord a panaglabsing nga agpapada a classified iti babaen kadagiti maipatpatungpal a lokal nga ordinansa kas ti loitering, public disturbance ken dadduma pay a kapada iti daytoy.
