LAOAG CITY – Nabigbig ti Local Government Unit ditoy siudad ti Laoag kas Digitized Civil Registry Documents with Advance Image Viewer Software.
Ti nasao a pammigbig ket naggapu iti Genealogical Society of Utah-Family Search babaen ti Philippine Association of Civil Registrars.
Naipaay daytoy kabayatan ti National Convention and Congress of Civil Registry Personnel and Implementing Partners in Civil Registration idiay Puerto Princesa City, Palawan.
Dakkel a tulong daytoy gapu iti panagbalin a digitalization ken pannaka-moderno dagiti Local Civil Registry Office kas ditoy siudad ti Laoag.
Kabayatanna, daytoy ket paset ti kalikagum ni Mayor James Bryan Alcid para iti alisto ken naannayas a transaksion a pakalag-anan ti tunggal umili ditoy siudad ti Laoag.
