LAOAG CITY – Babaknang dagiti mabenepisiaran iti kanito a mapatgan dagiti panawagan nga isuspenso ti excise tax iti diesel ken gasoline.
Inrakurak daytoy ni Finance Undersecretary Karlo Adriano iti panagdengngeg ti Deca-Tri Committee wenno Legislative Energy Action Development (LEAD) Council ti Kamara de Representantes.
Inbatadna a ti rekomendasion ti Development Budget Coordination Committee (DBCC) a saan nga iraman ti diesel ken gasolina iti panangsuspenso ti excise tax iti liquified petroleum gas ken kerosene ket basar iti resulta ti 2023 Family Income and Expenditure Survey ken datos manipud iti Department of Energy (DOE).
Kunana a rimmuar a ti kaadoan nga agkonkonsumo ti dakkel iti diesel ken gasolina ket sektor ti transportasion no sadinno a karaman ti adda iti 8th to 10th decile wenno dagiti babaknang.
Immuna iti daytoy, inpetteng ni Adriano nga agtaltalinaed a nakalukat ti gobierno iti panawagan nga isuspenso ti excise tax iti diesel ken gasolina isu a regular a mangisaysayangkat ti assessment ditoy ti Development Budget Coordination Committee ken UPLIFT committee.
