LAOAG CITY – Nakasagana a makitinnulong ti Department of Health iti Ombudsman ken Department of Justice iti imbestigasion iti maipagarop a nangina a singir kadagiti ospital ditoy pagilian.
Segun ken ni DOH Spokesperson Usec. Albert Domingo, ti panagpangina iti singir kadagiti ospital ket maibilang a krimen ken falsification of public documents iti salinong ti Revised Penal Code.
Innayon ni Domingo a nakasagana ti DOH a mangaramat iti linteg tapno masigurado a madusa amin dagiti aglabsing iti daytoy.
Maipalagip a binabalaw ni Ombudsman Crispin Remulla ti ‘bloated’ a singir iti emergency room kadagiti ospital.
