LAOAG CITY – Kinomendaran ni Presiding Officer/ Vice Mayor Rey Carlos Farinas ni Mayor James Bryan Alcid ditoy ciudad ti Laoag.
Daytoy ket gapu iti panangitultuloy ti mayor kadagiti agkakapintas a programa ti lokal a gobierno ditoy ciudad ti Laoag.
Segun ken Vice Mayor Farinas, adda dagiti dadduma nga executive officers a saan a mangitultuloy kadagiti dati a programa wenno aktibidad a nadanun da wenno iti naglabas nga administration .
Kunana nga ipakpakita ni Mayor Alcid a ti kangrunaan a prayoridad na ket ti pagsayaatan dagiti masakupan na, banag nga aprisyaren na unay gapu ta ad-ado dagiti umili a matulungan.
Maipalagip a kalikagum ni Mayor Alcid iti alisto a pannakaaramid dagiti aktibidad ken programa para iti naprogprogreso a ciudad.
