LAOAG CITY – Inanunsio ni Palace Press Officer Claire Castro nga inaprobaranen ti Department of Budget and Management (DBM) ti panagiruar ti 46.22B a pundo para ti 1,743 a proyekto imprastraktura iti intero a pagilian.
Basar iti Department of Budget and Management (DBM), nakailatang ti paset ti pundo ti Department of Public Works and Highways (DPWH) para kadagiti proyekto a mangpasayaat ti road connectivity ken mobility.
Karaman ditoy ti Davao City Bypass Construction Project nga addaan ti sumurok P288-M a nailatang para iti 2026.
Nangilatang met ti ahensia ti Php.17.27-B para iti panangipatakder ti 4,960 a classroom iti babaen ti Department of Education (DepEd) kas sungbat ti kinakurang ti classrooms ti pagilian.
