LAOAG CITY – Nanayonan ti petision a naipila iti Korte Suprema tapno kwestionaren ti impeachment proceedings kontra ken ni Vice President Sara Duterte iti Kamara de Representantes.
Daytoyen ti maikapat a petision maipapan iti agtultuloy nga impeachment proceedings kontra iti Bise Presidente.
Ti umuna a tallo a petision ket agsisina nga inpila ni Vice President Sara, grupo dagiti abugado ken pribado nga umili.
Ti 34 a panid iti petision da Hue Jyro Go, Micah De Guzman ken Jake Leoncini, dinawatda ti Temporary Restraining Order (TRO) wenno injuction tapno ipasardeng ti panangtalantan ti maikapat ken maikatlo nga impeachment complaints pakairamanan ditoy ti panangiyisu ti subpoena.
Inpaganetget dagiti petitioner nga iligal ti agsasaruno a subpoena ken panagkalap ti ebidensia nga awan ti reklamo nga inawaganda a “fishing expedition” ken panaglabsing ti Konstitusion ken Impeachement Rules.
Kwinestionaranda pay ti naiget a panangkiddaw iti State of Assets, Liabilities and Net Worth (SALN) nga awan ti direkta a pakainaiganna kadagiti akusasion.
Kabayatanna, inbilin met ti Korte Suprema ti Kamara ken House Committee on Justice ti panangisubmitirda ti komento.
