LAOAG CITY – Nagballaag ti Iran iti Estados Unidos ti at-atiddog ken naig-iget a panangatake no bilang mangiwayat manen ti military strikes ti Washington iti baet ti agtultuloy a rinnupak iti rehion.
Addan ti dua a bulan sipud nangrugi ti gubat iti nagbaetan ti Amerika ken Israel kontra iti Iran, nagtalinaed a nakaserra ti Strait of Hormuz, maysa a napateg a ruta a pagdaldalyasatan ti 20% ti global oil ken gas supply.
Gapu iti daytoy, agtultuloy a ngumatngato ken pabaliw-baliw a garaw ti presio ti langis iti world market.
Iti baet nga adda ti maipatpatungpal a ceasefire manipud Abril 8, saan pay nga immannugot ti dua a partido nangruna ket agtultuloy ti pananglapped ti Iran ti strait kas sungbat iti naval blockade ti Estados Unidos iti oil exports-da.
Kabayatanna, manamnama a maipaayan ti briefing ni United States President Donald Trump mainaig iti posible a baro a serye ti military strikes kontra iti Iran a gagem a piliten daytoy nga agbalin a nakalukat iti negosasion maipanggep iti nuclear issues.
