LAOAG CITY – Inpakaammo ni Atty. Charito Malicad, officer-in-charge ti Business Permit and Licensing Office (BPLO) nga awan dagiti naobserbaranna nga agpabpabayad nga empleado mainaig iti pannakaiproseso ti business renewal ditoy siudad ti Laoag.
Inbatadna a daytoy ti nakitana kabayatan ti panakaisayangkat ti business renewal iti bulan ti Enero agingga ti Febrero ita a tawen.
Kinunana nga amin ket agtungtungpal iti umno a pagannurotan ken ti umiso a trabahoda.
Segun kenni Malicad a manipud nagtakem daytoy kas officer-in-charge ket ipangpangrunana kadagiti empleyado nga awan ti agpabpabayad.
Innayonna a no ada dagiti residente nga agkiddaw ti tulong ket tumulongda laeng dagitoy ket saanda nga agpabayad kasukat ti panangilakadda kadagiti papelda.
