LAOAG CITY – Inlawlawag ni House Committee on Justice chairperson ken Batangas Rep. Gerville Luistro a ti target a panangisayangkat ti panagbotos iti articles of impeachment kontra ken ni Vice President Sara Duterte intono Mayo 11 ket nakadepende iti desisyon ti Korte Suprema a gagem na a maipaayan ti due process ti respondents.
Segun ken ni Luistro, inpetteng ti korte a kasapulan a maipaayan ti umiso nga oras dagiti agpanpanday linteg tapno mabasa ken maadal a naimbag ti articles of impeachment ken dagiti ebidensya sakbay ti panagbotos, maysa a nagkurangan ti immuna nga impeachment attempt kontra iti Bise Presidente.
Inbatad ti agpanpanday linteg a no maibunong ti kopya ti committee report, umanayen ti lima nga aldaw tapno adalen daytoy sakbay ti panagbotos iti plenary.
Innayon ni Luistro a maaddaan ti sponsorship speech, interpellations, ken mosyon para iti panagbotos no matratar ti report iti plenaryo.
