LAOAG CITY – Inkalintegan ni Department of Social Welfare and Development (DSWD) Secretary Rex Gatchalian dagiti benepisyaryo ti Pantawid Pamilyang Pilipino Program (4Ps) iti baet dagiti pammabalaw mainaig iti panagngato ti singir iti kuryente ti Manila Electric Co. (Manila Electric Company) idi Abril ita a tawen.
Inpetteng na a saan a dagiti benepisyaryo ti Pantawid Pamilyang Pilipino Program ti rason no apay a ngimmato ti singir idi Abril gapu ta ti maibagbaga a “bill shock” ket naggapo iti generation expense ti Meralco.
Inpaganetget ni Gatchalian a bassit laeng ti konsumo dagiti 4Ps household iti kuryente ken minimal laeng ti maaw-awat da a benepisyo iti lifeline subsidy.
Basar iti datos ti DSWD, 135,411 laeng a 4Ps households ti naipalaon iti Lifeline Rate Subsidy Program no ikumpara iti 8.11 milyon a customer ti Meralco.
