LAOAG CITY – Namnamaen ni Senador Imee Marcos nga agawid to metlaeng ditoy Pilipinas ni dati nga House Appropriations Committee chair Zaldy Co, tapno ibutaktak dagiti ammo na iti flood control scandal.
Segun iti Senador, immunan nga inrakurak ni Co a nakasagana a mangiparuk-at kadagiti iggem na nga impormasyon mainaig iti naibutaktak a korapsyon kadagiti flood control project.
Iti pannakasaludsud iti senadora mainaig iti possible nga ayan ni Co, inbatad na a ti laeng ammo na ket agdama nga adda paylaeng idiay Europe ti nasao a pugante.
Kabayatanna, inpetteng ni Marcos a saan nga agbalin nga alisto ti panangpagawid kenni Co ditoy Pilipinas, aglalo ket naiget ti Europe kangrunaan na dagiti kaso ti ‘political oppression.’
Kamaudianan na, mangnamnama ni Marcos nga agdesisyon ni Co a boluntaryo nga agsubli ditoy pagilian tapno iruwar dagiti ammo na nga impormasyon.
Dinillaw pay ti presidential sister ti rakurak ni Sen. Panfilo Lacson nga igiddan da nga ipasango iti Senate Blue Ribbon Committee ti 18 a soldado a nagpabigbig a bagman no mapagawid ditoy Pilipinas ni Co.
