LAOAG CITY – Awan pay ti plano ti gobierno probinsial ti Ilocos Norte a mangideklarar ti state of calamity gapu iti kalgaw.
Segun ken ni Gov. Cecilia Araneta Marcos, kabaelan pay laeng ti probinsia nga ipaay dagiti kangrunaan a kasapulan dagiti residente nangruna dagiti mannalon iti daytoy a panawen ti kalgaw wenno kinarigat ti suplay ti danum a kasapulanda iti panagtalon.
Nupay kasta, inbatadna a posible nga ideklararda met laeng daytoy no bilang saanen a kabaelan pay ti probinsia.
Inlawlawagna a narigat ti agdama a situasion nangruna ket adda ti energy crisis.
Maipalagip nga addan dagiti probinsia a nangideklarar ti state of calamity gapu iti mapaspasaran a kinabara ti panawen ken kinakurang ti danum kas iti Cagayan gapu ta umabot iti 10 bilyon a pisos ti balor dagiti nadadael iti benneg ti agrikultura.
