LAOAG CITY – Bimmaba iti 10 ti global cases ti hantavirus kalpasan a nakumpirmaran ti Estados Unidos a negatibo ti maysa nga indibidual a dati ket inconclusive test basar iti World Health Organization (WHO).
Addan ti tallo a natay manipud iti outbreak iti MV Hondius cruise ship a timmalaw iti Argentina idi Abril 1.
Ti agdama nga outbreak ket gapu iti Andes virus, maysa a naidumduma nga hantavirus strain a mabalin a maiyakar iti tao iti babaen ti nabayag ken asideg a kontak.
Awan ti panagbalbaliw ti virus a mangipangpangato ti transmissibility wenno severely daytoy basar iti World Health Organization.
Iti agdama, awan ti inaprobaran a bakuna wenno antiviral treatment para iti Hantavirus ken ti panangtaripato ket nakasentro laeng iti suporta iti pasiente.
Irekrekomendar ti World Health Organization ti 42 nga aldaw a quarantine para iti high-risk contacts ken self-monitoring para iti low-risk contacts.
Saan daytoy a maidaisig iti COVID-19 ken saan nga ibilang a pangta iti pandemia.
