LAOAG CITY – Nangipasa ti gakat ni Sangguniang Panlungsod Member John Michael Fariñas a mangkiddaw iti Kongreso a mapagbalin a mandatory ti pannakaipaay ti nagduduma a benepisio para kadagiti atleta iti intero a pagilian.
Segun kenkuana, babaen iti daytoy ket maipaay dagiti kasapulan dagiti atleta iti panagay-ayam dagitoy.
Inbatadna a ditoy a mailanad ti eksakto a kantidad ti maipaay a tulong pinansial ken no inton ano a maited daytoy kadakuada.
Inlawlawagna a naiget ti suporta nga ipapaay ti lokal a gobierno ken ti Department of Education – Schools Division Office ditoy siudad ti Laoag kadagiti atleta.
Kunana nga iti agdama ket amin nga atleta ditoy siudad ti Laoag ket adda ti insurance-da.
Namunganay daytoy gapu iti pannakatay ti maysa kadagiti atleta ditoy siudad ti Laoag iti kallabes.
