LAOAG CITY – Inpakaamo ni Vice Mayor Rey Carlos Fariñas a kasapolan iti pannakaurnos wenno nasayaat a plastar iti Laoag City Public Market and Commercial Complex.
Daytoy ket iti baet a sabali iti sitwasion iti merkado no ikumpara idi napalabas a tawen.
Segun kenkuana maipagarop a 6 a darasen iti pannakaiyuswat iti tienda iti rabii ken makita no malem ket awanen iti tao pay iti 3rd floor gapu kadaytoy.
Mainaig iti daytoy kinunana a masapol a saan laeng nga iti pannakaatidog iti panagtienda iti rabii no diket ad-adda a papintasen iti nasao a merkado publiko tapno ado dagiti mapan ditoy.
Inbatadna nga idiay Baguio City ket adda iti proposal iti SM-da nga isuda iti mangtake over iti merkado tapno ad-adda a napintas .
Nu pay kasta kinunana nga iendorsarna daytoy a banag iti Chairman ti Committee on Market tapno maipadanon kenni Mayor James Bryan Alcid nga no mabalin ken no kayat ken kabaelan iti SM nga isuda iti mangpapintas ket nasayaat launay.
Kabayatanna kinuna ni VM Fariñas a maysa ti merkado publiko ditoy siudad ti dakkel ti mapaspastrekna iti revenew ngem ita ket ininot a bumabbaba daytoyen.
