LAOAG CITY – Maysa ti gobierno lokal ditoy ciudad ti Laoag kadagiti nagbalin a nominee para iti ti Outstanding LGU iti intero a pagilian iti 51st National Gawad Saka Award nga inorganisar ti Department of Agriculture.
Iti agdama, manarimaan ti pannaka-validate ti Laoag City Local Government Unit babaen ti Validation Team/Technical Committee.
Segun kenni Mayor James Bryan Alcid, ti Validation/technical Committee ket idadaulwan ni Chairperson Ms. Milagros Urbano, ti Chief iti Policy and Planning Division, Agricultural Training Institute.
Inbatad ti mayor a pannakapili kas maysa a nominee ti ciudad ket maibilangen a dakkel a pammigbig ditoy ciudad ti Laoag gapu ta patien na nga isu ti pakakitaan nga epektibo dagiti programa ken inobasion a maipatpatungpal iti benneg ti agrikultura ditoy ciudad.
Inlawlawag na a ti agrikultura ti maysa kadagiti kangrunaan a programa ti gobierno siudad para iti natalged a suplay ti taraon ken pagsapulan dagiti mannalon ken mangngalap, ken ar-aramiden amin ti lokal a gobierno tapno ad-adda pay a mapadur-as ti benneg ti agrikultura.
