LAOAG CITY – Inbatad ti Sandiganbayan a naisubmitiren para iti resolution ti kiddaw ti Office of the Ombudsman para iti precautionary hold departure order kontra ken ni Senador Rodante Marcoleta, dati a Quezon City Rep.Michael Defensor, ken dua pay a negosiante nga adda pakainnaganna ti maipagarup a saan a pannakaideklarar ti P75 million campaign donations.
Segun iti Ombudsman, adda posibilidadna a tumalaw ti pagilian ni Marcoleta gapu iti impluwensiana ken pinansial nga abilidad daytoy.
Inpettengna pay nga iti saan a pannakaideklarar ti P75 milion iti Statement of Assets, Liabilities and Net Worth (SALN) a daytoy ket mangipakita ti ‘tendency to conceal illegality’.
Innayon pay dagiti imbestigador a nagsina ti imbestigasionda iti nagbalin a desision ti Commission on Elections (Comelec), nga immunan a nangidalos ken ni Marcoleta iti election offenses-na ngem nagirekomendar ti reklamo kontra kadagiti maipagarup a donors-na.
Iti agdama, dumaldalan iti preliminary investigation ti kaso ken naikkan dagiti respondent ti 15 nga aldaw tapnu agisubmitir ti counter-affidavit.
