LAOAG CITY – Inpasigurado ti Sangguniang Panlalawigan iti siudad ti Batac a resolbarenda ti reklamo dagiti tricycle drivers ti pannakaipangato ti plete gapu iti nangina a produkto ti gasoline.
Inbatad ni Vice Mayor Albert Chua, a kalpasan a saan a naaprobaran ti gakat a temporario a pannakaipangato ti plete iti babaen ti Sangguniang Panlalawigan ket kumitada ti sabali pay a wagas tapno masolbar ti nasao a problema, rason nga inpaimana daytoy iti Committee on Laws ken Transportation.
Innayonna pay a ti nasao nga gakat ket naipila pay laeng idi Php70.00 pesos iti kada litro ti gasolina.
Kabayatanna, iti agdama ket Php17.50 pesos ti plete imbes a Php22.50 para iti regular a pasahero.
