LAOAG CITY – Naikeddeng a mangiparuk-at ti subpoena ti National Bureau of Investigation (NBI) kontra iti asawa ni Senador Ronald “Bato” dela Rosa a ni Nancy dela Rosa maipanggep ti nagbalin a rakurak daytoy idi Mayo 13.
Kinumpirmaran ni National Bureau of Investigation (NBI) Director Melvin Matibag nga isagsaganan ti ahensia ti subpoena kalpasan a naikonektar ken ni Nancy dela Rosa dagiti rakurak a maipagarup a pananggundaway ni Senador Bato nga aglibas iti Senado kalpasan ti panagpinnutok ti paltog iti uneg ti nasao nga institusion idi Mayo 13.
Basar iti National Bureau of Investigation, ditoy a naaddaan ti gundaway ti Senador a gundayawan ti nasao a pasamak tapno makalibas daytoy iti Senado.
Malaksid pay ken Nancy, inpetteng ni Matibag a mangiparuk-at pay ti National Bureau of Investigation ti subpoena kontra kadagiti dadduma pay nga indibidual a maipagarup a naudi a kinasarsarita ni Senador dela Rosa.
Iti baet daytoy, ad-adalen ti nasao nga ahensia no paayabanda ni Senador Robin Padilla kalpasan a napilaan daytoy ti kaso nga obstruction of justice ti Philippine National Police – Criminal Investigation and Detention Group (PNP-CIDG).
Immunan nga inrakurak ni Padilla nga inluganna laeng ni Senador dela Rosa a rummuar ti Senado idi parbangon ti Mayo 14 ken inbabana daytoy idiay Makati City.
