LAOAG CITY – Inakusaran ni Senate President Alan Peter Cayetano a maipagarup a butbutngen ti agdama nga administrasion dagiti miembro ti Senate majority tapno mapilitanda nga umakar iti minority ken makabukel ti baro a liderato ti Senado.
Iti maysa a Facebook livestream post ni Cayetano idi Biernes, Mayo 29 nakasagana a mangiparuk-at dagiti Senador ti ebidensia iti nasao a pammutbuteng tapno malappedan ti pannakabukel ti “independent senate.”
Inbatadna nga adda dagiti alegasion a mangpilpilit kadagiti agpanpanday linteg nga umakar ti grupo a ti kasukat a ket saanda a mapilaan ti kaso ken dagiti saan nga agatendar ket makasoan.
Kabayatanna, sinungbatan ni Presidente Ferdinand Marcos Jr. ti inbatad ni Senador Rodante Marcoleta a ti agdama laeng a Senate leadership ti awan pammalubos ti Malacañang.
Iti katengngaan ti isyu ti Senado, sumagmamano a miembro ti majority bloc ket sumangsango kadagiti panaglabsing ti linteg karaman ditoy da Sen. Jinggoy Estrada a sumangsango ti plunder ken graft case mainaig iti nadakamat a P573 million nga anomalya iti insertions ken kickback ngem nakapagpiyansa isuna ti P90,000 mainaig met laeng para iti kasona a graft.
Basar iti Office of the Ombudsman, sumaruno a kasoan ti korte ni Acting Majority Leader Joel Villanueva ken adda pay iti agdama a sansangoen dagiti kapartidona a Senador nga isuda Sen. Francis Escudero ken Sen. Rodante Marcoleta a plunder case nga insigida met a naglikudanda.
