LAOAG CITY – Makaalarma unayen ti sitwasyon iti alisto a panagwaras ti Ebola iti Democratic Republic of Congo.
Daytoy ti nagbalin a ballaag ni charity Médecins Sans Frontières (MSF) deputy director Dr. Alan Gonzales kalpasan ti dua a lawas sipud indeklarar ti World Health Organization (WHO) ti ebola outbreak.
Komento daytoy ni Gonzales kalpasan ti ibibisita ni World Health Organization head Dr. Tedros Adhanom Ghebreyesus, iti probinsya ti Ituri a kangrunaan a naapektaran ti ebola iti Democratic Republic of Congo.
Iti agdama ket addan ti nasurok a 1,000 a suspected Ebola cases iti Democratic Republic of Congo no sadinno a 246 dagiti pimmusay.
