LAOAG CITY – Maiyuswat ti panagbakuna ti Human Papilloma Virus Vaccine kadagiti ubbing a babbai iti siudad ti Laoag.
Segun ken ni Dr. Rodrigo Catcatan, mangidadaulo iti City Health Office (CHO) ditoy siudad ti Laoag a manamnama iti panagturongda kadagiti nagduduma a pampubliko a pagadalan iti siudad tapno mabakunaan dagiti nasao nga ubbing.
Inbatadna a dagitoy ket dagiti grade 4 wenno agtawen ti 9 agingga iti 14 a babbai.
Kunana a daytoy ti maysa kadagiti nailatangan ti pundo iti opisinada tapno malappedan dagiti babbai iti sakit a cervical cancer.
Mainaig iti daytoy , kunana a para met kadagiti natataengan ket awan pay iti available a bakuna para kadakuada no sadinno kunana a mabalinda nga agturong kadagiti ob-gyne wenno iti Mariano Marcos Memorial Hospital and Medical Center (MMMH&MC).
Maipalagip nga iti siudad ti Laoag iti kaunaan a siudad iti intero a pagilian a naka gun-od iti 90% a nakapagbakuna iti HPV vaccine.
Ti Cervical Cancer Cancer ket isu iti maikauppat a rason ti pannakatay dagiti babbai nga agtaod daytoy iti Human Papilloma Virus.
