LAOAG CITY – Mamati ni 1Sambayan Coalition Co-Convenor Atty. Howard Calleja a saan a politically motivated ti panagpila kadagiti kaso kontra iti sumagmamano a senador nga agdama a miyembro ti Senate majority bloc.
Maipalagip a rimuar ti warrant of arrest kontra ken ni Sen. Jinggoy Estrada gapu iti sangsangwen na a kaso a plunder manipod iti Sandiganbayan ken iti agdama ket nakabalud iti maysa a Bureau of Jail Management and Penology (BJMP) facility iti Quezon City.
Agdama met a maim-imbestigar ti dadduma pay a senador a kas kada Sen. Joel Villanueva ken Sen. Chiz Escudero, nga agpada a maipagarop a karaman iti naibutaktak a korapsyon kadagiti flood control project.
Segun ken ni Atty. Calleja, agpapada a nainaganan dagiti nasao a senador kadagiti serye ti imbestigasyon ti Kongreso (House ken Senate) kasta pay iti Ombudsman a maipagarop a nairanud kadagiti kickback manipod kadagiti maanomalya a proyekto.
