LAOAG CITY – Binabalaw ni Sangguniang Panlungsod Member Jayson Perrera ti nabayag a panagresponde dagiti kameng ti Philippine National Police (PNP) idi nadisgrasia daytoy.
Ti disgrasia ket gapu iti maipagarup a panangliklik ti maysa nga SUV iti humps no sadinno a ditoy da a nagdinnungpar iti paset ti Panganiban Street Corner P Lazaro ditoy siudad ti Laoag.
Kunana nga agarup 15 a minutos sakbay a nagresponde ti Philippine National Police (PNP) Laoag.
Nupay kasta, agyaman daytoy gapu ta isuna ti nakapasar ta no sabali ket baka pimmusay iti kinapigsa ti impact-na.
Gapu iti daytoy, kalikagom ni SPM Perrera ti pannakaimplementar ti full humps tapno maliklikan ti insidente iti nasao a lugar.
Innayonna a napintas ti pannakaimplementar daytoy tapno saan a mauliten ti insidente.
