LAOAG CITY – Inbutaktak ti grupo nga ex-Marines iti panagdengngeg ti Senado ita nga Huebes, Hunio 4 a maipagarup a nagkita ni dati a House Speaker Martin Romualdez ken dati a Senador Antonio Trillanes IV kadagiti imbestigador ti Interntional Criminal Court (ICC).
Inbatad ti testigo a nakitaripnong ni Trillanes iti maysa a hotel iti Makati, kabayatan a ni Romualdez ken Rep. Zaldy Co ket idiay townhouse iti McKinley.
Segun iti witness, inpasukatna ti 2 a maleta nga adda ti kargana a P50M agingga P60M iti dolyar tapno ited iti ICC.
Immunan a naglikudan ni Trillanes dagiti akusasion karaman ti pammabasol a nakaawat daytoy ti milyun-dolyar a pundo ken nangipila ti kaso a kriminalkontra iti 18 ‘ex-Marines’ ken abogado a nangipila ti reklamo. Inawaganna daytoy a pammabalin laeng a bribery scheme tapno maperdi ti proseso ti ICC.
