LAOAG CITY – Pappapigsaen ti Department of Trade and Industry (DTI) ti panangipatungpal ti Philippine National Standards (PNS) para kadagiti kagamitan iti pagadalan ken opisina nga inaldaw-aldaw ng us-usaren ti minilyon a Pilipino.
Basar iti ti Department of Trade and Industry, tunggal produkto ket adda ti naikeddeng a technical standard iti minimum requirements iti kinatalged, kinatibker, performance, labeling ken kalidad tapno masigurado ti panagbalin a maiyannatop daytoy para kadagiti konsyumer.
Inbatad ni ti Department of Trade and Industry Bureau of Philippine Standards Assistant Division Chief Myra Magabilin a gagem ti pagannurotan a masigurado dagiti masansan a kagamitan iti pagadalan, opisina ken pagtaengan ket natalged, mapangnamnamaan ken de-kalidad.
Inlawlawagna a saan nga otomatiko a sakupen ti mandatory regulation ti amin a produkto ken addaan ti proseso sakbay daytoy a maipatungpal pakairamanan ti panagadal ken risk assessment.
Sakupen ti Philippine National Standards ti nagduduma nga school ken office supplies kas ti writing instruments (lapis, ballpen, markers), paper products (bond paper, notebooks), art materials (crayons, watercolor), correction materials, adhesives, fasteners, cutting tools ken measuring tools.
