LAOAG CITY – Inlawlawag ni Senador Robin Padilla nga awan ti personal a susik iti nagbaetanda ken ni Department of the Interior and Local Government (DILG) Secretary Jonvic Remulla mainaig iti viral nga insidente a nagdidinnuron iti uneg ti Senado a nagbalin a pagsasaritaan iti social media.
Nangrugi ti isyu kalpasan a nagwaras dagiti sumagmamano a video ken ladawan ti komosion iti Senado a maipagarup nga adda iti pisikal a panagdidinnuron da Padilla ken Remulla.
Segun iti Senador ket saan a maliklikan nga adda iti pisikal a panagdidinnuron gapu iti kinaadu ti tao iti uneg ti Senado.
Kabayatanna, inbatad met ni Remulla ti takderna ti isyu ken naglikudanna nga adda ti linappedanna.
