LAOAG CITY – Kinumpirmaran ni Philippine Ambassador to the United States Jose Manuel “Babes” Romualdez nga inbabawi ti Estados Unidos ti diplomatic at tourist visas ni Leyte Representative ken dati nga House Speaker Martin Romualdez.
Inbatad ti Ambassador a naiwayat ti visa revocation kabayatan a sumangsango ni Romualdez iti imbestigasion mainaig iti maipagarup nga anomalya kadagiti flood control project.
Immunan a nangiparuk-at ti Sandiganbayan ti precautionary Hold Departure Order (HDO) kontra ken ni Romualdez mainaig kadagiti reklamo a pakairamanan ti maipagarup a plunder, direct bribery, panaglabsing iti Anti-Graft and Corrupt Practices Act, indirect bribery ken money laundering.
Nupay kasta, naiget a naglikudan ni Romualdez dagiti alegasion kontra kenkuana.
Inbatad ti dati nga House Speaker dagiti pammabasol ket maibasar laeng iti pulitika ken saan nga iti nadagsen nga ebidensia.
Agtultuloy ti pannakikoordinar ti Bombo Radyo para iti reaksion ti kongresista.
