LAOAG CITY – Naarestar dagiti uppat a lallaki kalpasan a naiparuk-atan ti warrant of arrest mainaig iti kaso ti maanomalya a flood control project ti Bulacan.
Basar iti Philippine National Police, sumangsango dagiti suspek ti kaso a malversation of public funds wenno property through falsification of public documents mainaig iti maipagarup nga iregularidad ti pannakaipatungpal ti flood control project iti lugarda.
Naammoan a tallo kadagiti akusado ket agtawen ti 51, 41 ken 40 a nadanonan dagiti operatiba ti Bulacan Police Provincial Office ket nakabalud dagitoyen ti maysa a detention facility iti Quezon City.
Kabayatanna, boluntario a simmuko ti maysa pay nga akusado nga agtawen ti 63 nga aggapu iti Bustos, Bulacan kalpasan ti naiwayat a tracking operations dagiti kameng ti otoridad.
