LAOAG CITY – Binigbig ti siudad ti Laoag dagiti 12 a Barangay gapu iti napintas a pannakaimplementar ti “Best Hapag kay PBBM” wenno Halinat Magtanim ng Prutas at Gulay, Kadiwa’y Yaman, Plants for Bountiful Barangays Movement.
Daytoy ket kas paset iti mayka 37th a tawen a pannakaiwayat ti Agriculture and Fisheries Sector Celebration iti nasao a siudad.
Dagiti nabigbig ket naamoan per category no sadinno a ti Urban Category ket nag Top 1 ti Barangay 3 Nuestra Señora del Rosario, Top 2 Barangay 7- A Nuestra Señora de Natividad, ken Top 3 ti Barangay 12 San Isidro.
Iti met Semi- Urban Category, nag Top 1 ti Semi- Urban Category, Top 2 ti Barangay 7- A Nuestra Señora de Natividad, ken ti Top 3 ket iti Barangay 23 San Matias.
Mainaig iti daytoy, iti Rural Category met, nag Top 1 ti Barangay 30-A Suyo, Top 2 ti Barangay 62- B Navotas, ken nabigbig ti Barangay 57 Pila kas Top 3.
Ti met paset Coastal Category, nag Top 1 ti Barangay 33-A La Paz, Top 2 ti Barangay 34- B Gabu Norte, ken Top 3 ti Barangay 35 Gabu Sur.
Dagiti napadayawan a Barangay ket nakaawat ti Resolution of Commendation iti babaen ni Mayor James Alcid ken sumagmamano a Sangguniang Panlungsod.
Inbatad ni Mayor James Bran Alcid a ti pammadayaw ket testamento ti napintas a koordinasion ti gobierno siudad, Agriculture Office, Barangay ken dagiti umili para ti natalged a suplay ti taraon kangrunaannan ti natnateng para kadagiti umili.
