LAOAG CITY – Inrakurak ni Sen. Robin Padilla a no bilang ammona ti paglemlemmengan ni Sen. Ronald “Bato” dela Rosa ket saanna nga ibutaktak daytoy.
Naipadamag daytoy nga inbatad ni Padilla kalpasan a bimmisita isuna iti nakaimansayagan ti student-athlete a ni Rene Baterbonia iti Arlington Memorial Chapel idiay Quezon City.
Ni Padilla ket sumangsango iti reklamo nga obstruction of justice kalpasan ti panangadmitirna nga isuna ti kadua ni dela Rosa a rimmuar ti Senado idi Mayo 14, 2026.
Maipalagip a nagsubli iti Senado ni dela Rosa kalpasan ti innem a bulan a panaglemlemmeng tapno makabutos ken ni Sen. Alan Peter Cayetano iti inwayat a kudeta kontra ken ni dati a Senate President Vicente “Tito” Sotto.
