LAOAG CITY – Dakkel a desision para kadagiti abugado ni Vice President Sara Duterte no patugawenda daytoy kas testigo iti impeachment trial gapu ta ipadalan daytoy iti cross-examination ti prosekusion.
Daytoy ti inrakurak ni House Prosecutor ken Manila Rep. Joel Chua.
Inbatadna a diskarten ti kampo ti depensa no ti ammoda ket makatulong iti kasoda ti panagtestigo mismo ti Bise Presidente.
Inlawlawagna a no dumalan iti panangtingiting ni Duterte ket dumalan pay laeng daytoy iti panangtingiting kadagiti bukudna nga abugado.
Kalpasan daytoy, adda ti karebbengan ti House prosecutors a tingitingen dagiti saludsod ti Bise Presidente tapno maarisit dagiti rakurakna.
Naikeddeng ti pre-trial conference ti Senado inton Hunio 18 idinto ti pormal a panangtingiting ket mangrugi inton Hulio 6.
Na-impeach ni Duterte ti Kamara de Representantes idi Mayo 11 kalpasan daytoy a nakaala ti butos ti 257 nga agpanpanday linteg gapu kadagiti reklamo a sangsangoen daytoy kas ti korapsion ken biddot a panagusar ti pundo ti gobierno.
