LAOAG CITY – Agbinnulig dagiti ahensia ti gobierno tapno lappedan ti panagraira ti iligal a negosio ti tabako iti intero a pagilian.
Idauloan ni Department of Agriculture ken National Tobacco Administration ti maikatlo nga International Tobacco Summit nga addaan ti “Leveraging Growth, Securing Futures: Enhancing Livelihood and Revenue against Illicit Trade.”
Nakasentro ti summit iti panangsolbar kadagiti karit iti ekonomia ken pannakapukaw ti P141-B a birok ti gobierno gapu iti iligal a negosio ti tabako iti Pilipinas manipud 2024 agingga 2025 a nagresulta ti panagkapsot met ti pagsapulan iti sektor ti agrikultura.
Kabayatanna, namnamaen nga agatendar iti summit dagiti opisial ti gobierno, regulator, law enforcement agencies, dagiti stakeholder ti industria ken dagiti international experts.
