LAOAG CITY – Inpasigurado ti Department of Education (DepEd) ti alisto a pannakaiparuk-at ti pondo para kadagiti mangisursuro nga agtutor para iti remediation classes.
Daytoy ket iti baet ti learning gap iti Reading, Science ken Mathematics.
Iti salinong ti remediation classes, maibilang ti oras a mailatang kadagiti nasao a session kas paset ti technical load dagiti mangisursuro iti public schools.
Segun ti Department of Education, dagiti mangisursuro nga agserbi a tutor kada weekdays ket mabalin a makaawat ti teaching overload pay, basta aglabes da iti naituding nga innem nga oras nga actual a panagisuro iti classroom.
No agtapos iti lawas wenno weekends, official holiday ken panawen ti napaut a bakasyon, mabalin a makaala ti Vacation Service Credits (VSCs) dagiti mangisursuro, a ti maysa nga oras a serbisyo ket katukad ti 1.5 nga oras iti Vacation Service Credits.
