LAOAG CITY – Inpaima ni Senate President Sherwin Gatchalian iti Department of Justice (DOJ) ti imbestigasion iti napasamak a May 13 shooting incident iti Senado.
Daytoy ket mainaig iti preliminary findings ti Department of Justice a saan a rinaot ti Senado iti gunfire incident a mapagat-atapan a wagas tapno makalibas ni Senador Bato dela Rosa nga adda iti babaen ti protective custody ti Senado.
Inbatad ni Gatchalian a saanda a napagsaritaan ti plano idi ti Cayetano bloc nga imbestigaran ti napasamak a pammaltog iti Senado.
Nupay kasta, basar kadagiti nakasaritana a Senador, nasaysayaat no ipaima lattan iti Department of Justice ti panangimbestigar gapu ta isuda ti karaman iti insidente.
Nagkedked met ni Gatchalian nga agkomento iti report ti Department of Justice a saan nga under attack ti Senado idi Mayo 13 ken kitaenna pay laeng ti pinal a report daytoy ti ahensia.
