LAOAG CITY – Nagdinnungpar ti dua a pampasahero a tren idiay London a nakatayan ti maysa a tao ken nakasugatan ti ginasgasut nga indibidual basar kadagiti emergency services iti United Kingdom.
Napasamak ti insidente iti Bedford no sadinno nga agpada nga agturong iti London St. Pancras ti dua a tren.
Segun kadagiti pasahero, kellaat lattan a nakangngegda ti napigsa a pannakaidungpar no sadinno nga adda ti sumagmamano a pasahero ti naawanan ti puot.
Inpakaammo ti East of England Ambulance Service a 11 ti adda iti kritikal a kondision, 22 ti nagsagaba ti nakana a sugat ken 56 ti addaan ti minor injuries.
Agtultuloy ti imbestigasion dagiti otoridad iti nasao nga aksidente.
