LAOAG CITY – Umabot iti 13 a tattao ti natay idinto nga 66 a sabsabali dagiti nasugatan iti napasamak a panagbettak iti kadakkelan a gas facility idiay Qatar.
Ti maysa kadagiti pabrika iti Ras Laffan industrial zone iti Doha, Qatar ket nagpasar ti “technical accident”.
Nupay kasta, inpasigurado ni Energy Minister Saad Sherida al-Kaabi ti Qatar a ti napasamak a panagbettak ket saan a makaapektar iti panag-export ti nadakamat a pagilian.
Inpasigurado a ti napasamak ket aksidente laeng ken saan a sabotahe wenno panangsuppiat iti nakaparsuwaan.
Ti Ras Laffan Port ti kadakkelan nga artificial harbour iti lubong ken ti kadakkelan Liquefied Natural Gas (LNG) export facility iti intero a lubong.
