LAOAG CITY – Palubosan ti Impeachment Court ti Senado ti House prosecution panel ken depensa ni Vice President Sara Duterte nga agipasango dagiti surprise witness iti panawen ti panangusig iti impeachment basar ken ni Senate Secretary Renato Bantug Jr.
Ni Bantug ti agserserbi a clerk of court ti impeachment trial a maiwayat inton Hulio 6.
Kunana a ti kapada a partido ket addaan ti karebbengan nga agaramid ti reserbasion mainaig kadagiti saksi a mabalin a saan pay nga available iti panawen ti pre-trial.
Nupay kasta, inpettengna a masapul nga ipakaammo kadagiti partido ti panangayab kadagiti nasao a saksi a saan a bumaba iti tallo nga aldaw sakbay ti naikeddeng a panangusig.
Innayonna nga iti pre-trial order ket mabalin nga iparuk-at inton Huebes, Hunio 25, maiyataday iti kalendario ti impeachment a mangikeddeng ti panangiyisyu daytoy iti nagbaetan ti Hunio 18 ken Hunio 25.
