LAOAG CITY – Naiget ti panang-review ti Sangguniang Bayan iti ili ti San Nicolas dagiti ordinansa dagiti barangay.
Inbatad ni Vice Mayor Napoleon Hernando iti nasao nga ili, makitana nga aktibo dagiti 24 a barangay iti nasao nga ili gapu ta tunggal maisayangkat ti regular session-da ket adda ti maputar nga ordinansa ti barangay.
Inlawlawagna a gutgutigotenda dagitoy nga agbalin nga aktibo isu a babaen ti panag-review-da kadagitoy ket ad-adda pay a mapasayaat ti tunggal barangay gapu ta adda ti panagtitinnulong a mangputar ti gakat a maipatungpal.
Naammoan a gagem dagiti barangay a masapul a mangiwayatda ti seryoso a session a saan a kas iti gagangay a panagsasangoda laeng.
