LAOAG CITY – Inpetteng ti Office of the Ombudsman nga awan ti maris pulitika na ti plano a panagpila ti kaso a plunder kontra ken ni Sen. Rodante Marcoleta.
Segun ken ni Assistant Ombudsman Mico Clavano, naipagagangayen a depensa dagiti opisyal a mai-imbestigar nga isuda ket maus-usig gapu iti pulitika, ngem kunana a dagiti ebidensya ti agsarita.
Innayon na analawag ti kaso gapu ta uray ti sumagmamano nga ebidensya nga inusar dagiti imbestigador ket naggapo a mismo kadagiti rakurak ken panangadmitir ni Marcoleta.
Nakapenpen ti kaso a plunder kontra kada Marcoleta ken dati a kongresista Michael Defensor gapu iti maipagarop a saan a panangideklarar ti P75 milyon a campaign donations idi 2025 elections.
Immunan nga inrakurak ni Marcoleta a saanna nga indeklarr ti donasyon manipod kada Defensor ken dagiti negosyante nga isuda Joseph Espiritu ken Aristotle Viray gapu ta maipagarop a kalikagom dagitoy nga agtalinaed nga anonymous.
Inpaganetget na pay a nagbalin a personal funds ti nasao a kwarta gapu ta naawat na daytoy sakbay pay a nangrugi ti opisyal a campaign period.
Naglikudan met ti Ombudsman ti akusasyon ni Marcoleta nga isuna laeng ti tututukan da.
