LAOAG CITY – Maragsakan a mangipakaammo ni Vice Mayor Rey Carlos Fariñas ti augmentation kadagiti Doktor a manipud iti Mariano Marcos Memorial Health and Medical Center (MMMH& MC) Batac iti Laoag City Government Hospital (LCGH).
Kunana nga inburay daytoy ni Dr. Maria Lourdes Otayza, mangidaulo ti nasao a balay pagagasan kenkuana no sadinno nga adda ti nagbalin a panagsarita daytoy ken ni Mayor James Bryan Alcid para iti pannaka-augment dagiti Doktor iti Laoag City Government Hospital (LCGH).
Innayonni Fariñas a dakkel a banag daytoy gapu ta kaadoan a Doktors iti Laoag City Government Hospital (LCGH) ket private doctors no sadinno nga agpayso a Zero-Balance Billing ti nasao nga ospital ngem dakkel met ti baybayadanda kangrunaan dagiti indigents kadagiti Doktors.
Kabayatanna, kunana a no umayda agtrabaho iti Laoag City Government Hospital (LCGH) ket libre ken dakkel ti maitulongna kadagiti pasiente nga agturong ditoy.
