LAOAG CITY – Ad-adu pay a bangko ti agkissay wenno naan-anay a mangikkat ti transfer fee kadagiti transaksion nga agturong kadagiti dadduma a bangko ken e-wallet kadagiti sumaruno nga aldaw.
Immunan nga inanunsio ti Bank of the Philippine Islands (BPI) ti panag-waive ti transfer fee para kadagiti transaksion nga agus-usar ti InstaPay ken PESONet iti babaen kadagiti digital platform-da.
Simmurot ti Rizal Commercial Banking Corporation (RCBC) a mangrugi a mangipatungpal ti zero InstaPay fees iti digital banking applications-da a nangrugi idi Hulio 4.
Basar iti Bangko Sentral ng Pilipinas, gagem daytoy nga addang a mapalawa ti financial inclusion ken maikkan dagiti agpili ti ad-adu a pagpilian ken nalaklaka a serbisio iti digital fund transfers.
