LAOAG CITY – Nangiwayat ti inspeksion ni Mayor James Bryan Alcid iti uneg ti Laoag City Public Market kas paset ti precautionary measure no adda sumangbay a didigra kas kuma ti uram.
Kunana a ti inpeksion ket tapno makita dagiti ramit no ag-operate met laeng tapno adda ti nakasagana nga usaren no adda iti mapasamak nga uram kas kuma dagiti sprinkles, water supply, fire hydrants, fire alarms, fire extinguisher ken nagduduma pay.
Mainaig iti daytoy, kunana a kasapulan ti pannakaadal dagiti danum tapno nakasagana latta dagitoy gapu ta basar iti impormason ket seasonal ti panagado ti supply ti danom iti nasao a merkado.
Malaksid iti daytoy, kunana nga adadalen da pay ti pananak stand by iti fire truck iti asideg ti tiendaan isu ti gapuna nga adda iti planoda a gumatang iti fire truck a nayon a kagamitan iti lokal a gobierno.
Innayonna inpasigurado ti Mayor ti pannakatarimaan ti Laoag City Public Market and Commercial Complex iti mabaiit.
Kabayatanna, nga iti babaen daytoy nga addang ket masigurado iti kinatalged dagiti negosiante wenno dagiti umili nga agturong ditoy.
