LAOAG CITY – Kalikagum ti National Police Commission ti naiget a panag-recruit-da kadagiti agkalikagum a sumrek iti kinapulis.
Inbatad ni Atty. Joseph Apolonio, Provincial Director ti National Police Commission (NAPOLCOM) a gapo kadagiti pulis nga adda pakainnaiganna kadagiti iligal nga aktibidad ti rason iti pannakaikkatda iti puesto isu a naiget ti recruitment activity ti ahensia.
Karaman kadagiti sangsangoen a reklamo dagiti sumagmamano a kameng ti pulisya ti Acts of Lasciviousness ken panag-handleda kadagti paltogda no sadinno ket segun ken ni Atty. Joseph Apolonio ket saan daytoy nga umno a ugali ti maysa a pulis.
Innayonna pay nga iti agdama, ado dagiti agkalikagum a sumrek iti pulisya ngem ado met dagiti maikikat gapu iti body mass index, agility, neuro examination ken ti complete background investigation dagiti aplikante no sadinno ket maipagarup a 2,000 iti aplikante iti umuna nga aldaw agingga a nagbalin laengen ti saan a sumurok 400 ti nabati.
Kabayatanna, namnamaenna ti naigiget a panag-recruit tapno maliklikan ti saan nga umno a panag-ugali dagiti adda iti kameng ti pulisya.
