LAOAG CITY – Makasangit ni Mrs. Epifania Dacquigan gapu iti maipagarup nga alegasionna a panagswitik iti Small Town Lottery wenno STL.
Kunana a ti nangakusar kenkuana ket isu ni Mrs. Myrna Miguel a maysa a vegetable vendor iti Laoag City Public Market.
Naakusaran daytoy ti panangalana ti maipagarup a premyo ti tayadorna nga agbalor ti 28,000 pesos a nagtaya iti pompiang 6 idi napalabas a Domingo, Hulio 5 no sadinno a saan met daytoy a nagpataya iti nasao nga aldaw.
Naiget a nnaglikudan ni Mrs. Dacquigan ti alegasion gapu ta ti Domingo ket mapan daytoy makimisa kadwana dagiti annakna.
Saam maipeksa ni Mrs.Dacquigan ti sakit ti nakem na gapu ta kanayon nga agaramid ni Mrs.Miguel ti eskandalo iti nasao a mercado no sadinno nga awan ti kinagpaysuwanan na ket ado ti mangpaneknek a saan daytoy nga agpatpataya ti Domingo.
Ilawlawagna a saanna a maaramid ti agswitik gapu ta amin a mapatayaan na ket i-remitna kasta payen dagiti listaanna.
Innayonna a nabayag nga agpatpataya daytoyen ken ita laeng a napasamak kenkuana ti kastoy.
Kabayatanna, plano ni Mrs.Dacquigan ti naununeg a panagsaritada ken ni Mrs.Miguel tapno adda ti pannakailawlawagna kadagiti akusasion ken saan a mauliten ti panag-eskandalo
