LAOAG CITY – Umabot iti 12 a tattao ti natay iti wildfire iti southern Spain, no sadinno a rumrumuar nga uppat kadagiti pimmusay ket Briton.
Nabirukan dagiti bangkay dagiti biktima iti asideg ti bassit a village ti Bédar, iti ruwar ti Los Gallardos.
Malaksid kadagiti natay ket adda pay ti 23 a mapukukaw idinto a ginasut a residente ti naibakwit.
Ginasut met nga emergency responders dagiti agtitinnulong tapno masebseban ti apoy iti lawlaw ti Los Gallardos, Almería, a ti rumrumuar a makaigapu iti wildfire ket ti bimmagsak a linya ti kuryente.
Nagballaag met ni Regional president Juanma Moreno a possible a ngumato pay ti bilang dagiti natay gapu iti kinalawa ti nasakupan ti uram.
