LAOAG CITY – Natay ti agarup 27 nga indibidual kalpasan a nauram ti maysa a bar idiay Bangkok, Thailand.
Segun ken ni Prime Minister Anutin Charnvirakul iti nasao a pagilian, nagresponde dagiti bumbero iti rabii ken nakitada dagiti grupo a mangipapaay ti suporta ti maysa nga organisasion a rummuar iti ridaw iti sango ti bar kabayatan a dumakdakkel ti apoy.
Makita iti maysa a post iti social media nga X ti naminpinsan a pannakauram ti nasao a bar no sadinno nga adda dagiti agtataray a tattao ken natulid iti lugar.
Inbatad ni Prime Minister Charnvirakul nga adda ti 27 a bangkay ti narekobre idinto nga umabot iti 60 nga indibidual ti naitaray iti ospital para iti naan-anay a pannakatamingda.
Inlawlawagna nga adda pay dagiti sumagmamano nga indibidual ti saan pay a nabirokan.
Kunana nga agtultuloy ti imbestigasion dagiti otoridad iti namunganayan ti uram.
Innayonna a nagkiddaw isuna iti maysa a musician nga ag-perform ngem ditoy metten a nangrugi ti uram.
